ذريعه: الرساله فروري 2013

اسلام انسان كي فطرت كي آواز هے- اسلام اگر كسي ملاوٹ كے بغير انسان كے سامنے آئے تو وه اُس كے ذهن كو ايڈريس كرے گا، وه خو د اپنے داخلي شعور كے تحت اسلام كي اهميت كو ماننے پر مجبور هوجائے گا- تاريخ ميں كثرت سے اِس كي مثاليں موجود هيں- پيغمبر اسلام صلي الله عليه وسلم كے ابتدائي زمانے ميں مكه كے لوگ شرك ميں مبتلا تھے- مگر جب قرآن كے ذريعے ان كے سامنے اسلام كا پيغامِ توحيد بے آميز طورپر آيا تو ان كي اكثريت نے اسلام كو اپنے دل كي آواز سمجھ كر اس كو جلد يا بدير قبول كرليا-

موجوده زمانے كے مسلمانوں نے سب سے بڑي چيز جو كھوئي هے، وه مغل ايمپائر يا عثماني ايمپائر جيسي چيزيں نهيں هيں، بلكه سب سے بڑي چيز جو انھوں نے كھوئي هے، وه دعوت الي الله كا ذهن هے-

موجوده زمانے ميں بھي اِس كي مثاليں كثرت سے موجود هيں- ايك بنگالي هندو جن كا نام ڈاكٹرنشي كانت چٹوپادھيا (وفات1910) تھا، انھوںنے اعليٰ تعليم پائي- وه كئي زبانيں جانتے تھے- انھوں نے اسلام كا مطالعه كيا- ان كي فطرت نے اسلام كي سچائي كي تصديق كي- چناں چه انھوں نے اسلام كو اپنے مذهب كي حيثيت سے قبول كرليا- اِس كے بعد انھوں نے انگريزي زبان ميں كئي كتابيں لكھيں- انھوں نے 1904 ميں حيدر آباد (انڈيا) كے ايك جلسے ميں اپنے اسلام كا اعلان كيا اور اپنا نام عزيز الدين ركھا-

اِسي طرح مارما ڈيوك پكتھال (Marmaduke Pickthall) ايك انگريز تھے- وه عيسائي خاندان ميں پيدا هوئے- اسلام كي فطري تعليمات نے ان كو متاثر كيا- چناں چه انھوں نے اسلام قبول كرليا اور اپنا نام محمد پكتھال ركھا- ان كي وفات 1936 ميں هوئي- انھوںنے انگريزي زبان ميں قرآن كا مكمل ترجمه كيا - يه انگريزي ترجمه كافي مقبول هوا-

موجوده زمانے كے مسلمان يهود كو اسلام كا ازلي دشمن سمجھتے هيں، مگر يه بات يقيني طورپر غلط هے- واقعات بتاتے هيں كه هر زمانے ميں يهودي، اسلام قبول كرتے رهے هيں- مثال كے طورپر عبد الله بن سلام مدينه ميں ايك يهودي خاندان ميں پيدا هوئے- وه مدينه كے ايك بڑے يهودي عالم تھے- هجرت كے بعد انھوںنے پيغمبر اسلام صلي الله عليه وسلم كے هاتھ پر اسلام قبول كرليا- 663 عيسوي ميں مدينه ميں ان كي وفات هوئي-

اسي طرح كعب الاحبار يمن كے ايك يهودي خاندان ميں پيدا هوئے- وه ايك بڑے يهودي عالم تھے- انھوں نے اسلام كا مطالعه كيا اور حضرت ابو بكر صديق كي خلافت كے زمانے ميں اسلام قبول كيا- حضرت عمر كے زمانے ميں وه يمن سے هجرت كركے مدينه آگئے- 652 عيسوي ميں شام كے شهر حمص ميں ان كي وفات هوئي-

بعد كي صديوں ميں بھي يهود كے قبولِ اسلام كا سلسله جاري رها- موجوده زمانے ميں فلسطين كے سوال كو لے كر يهود اور مسلمانوں كے درميان نهايت تلخ فضا قائم هوگئي هے- مسلسل طورپر دونوں كے درميان تشدد كے واقعات هورهے هيں- اِس كے باوجود موجوده زمانے ميں بھي يهود ميں ايسے افراد پيدا هوتے رهے جنھوں نے كھلے طور پر اسلام قبول كيا-

[Highlight2]

اس قسم كي ايك مثال محمد اسد (Leopold Weiss Muhammad Asad) كي هے- وه يوكرين (Ukraine) كے ايك يهودي خاندان ميں 1900ميں پيدا هوئے اور 1992 ميں اسپين ميں ان كي وفات هوئي- انھوںنے اسلام كا مطالعه كيا اور پھر 1926 ميں انھوں نے اسلام قبول كرليا- انھوںنے انگريزي زبان ميں قرآن كي ايك مكمل تفسير لكھي- اِسي طرح انھوں نے دوسري كتابيں اسلام كے موضوع پر تيار كيں-

اِسي طرح كي ايك مثال مريم جميله كي هے- وه 1934 ميں نيويارك (امريكا) كے ايك يهودي خاندان ميں پيدا هوئيں- ان كا ابتدائي نام مارگريٹ ماركوس (Margret Marcus) تھا- انھوں نے اسلام كا مطالعه كيا اور پھر 1961 ميں اسلام قبول كرليا اور اپنا نام مريم جميله ركھا- انھوں نے انگريزي زبان ميں اسلام پر كئي كتابيں لكھيں- 31 اكتوبر 2012 كو لاهور (پاكستان) ميں ان كا انتقال هوگيا-

موجوده زمانے كے مسلمانوں نے سب سے بڑي چيز جو كھوئي هے، وه مغل ايمپائر يا عثماني ايمپائر جيسي چيزيں نهيں هيں، بلكه سب سے بڑي چيز جو انھوں نے كھوئي هے، وه دعوت الي الله كا ذهن هے- موجوده زمانے ميں پوري دنيا كے مسلمانوں ميں دعوت كا حقيقي ذهن مفقود هے- اگر كوئي شخص دعوت كا نام ليتا هے تو وه بھي اپنے خود ساخته مفهوم ميں، نه كه قرآن وحديث كے اصل مفهوم ميں-

موجوده زمانے كے مسلمانوں كا ذهن اسلام پسند ذهن نهيں هے، بلكه وه قوم پسند ذهن هے- اس قوم پسند ذهن كي بنا پر يه هوا هے كه ان كي هر چيز پر قوم پسندي كا ذهن غالب آگيا هے-

دعوت الي الله مسلم ملت كا سب سے بڑا فريضه هے- اِسي فريضے كے تصور سے ان كي سوچ درست هوتي هے، اِس فريضے كي ادائيگي سے ان كي تمام سرگرميوں كا رخ صحيح هوتا هے، اِسي فريضے كي ادائيگي سے وه الله كي نصرت كے مستحق بنتے هيں- دعوت الي الله كي سوچ مسلم ملت كے ليے گويا ماسٹرفارمولا (master fomula) كي حيثيت ركھتي هے- مسلمانوں كے اندر اگر دعوت الي الله كا تصور زنده هو تو ان كے تمام معاملات درست هوں گے اور اگر دعوت الي الله كا تصور ان كے اندر زنده نه هو تو ان كے تمام معاملات بگڑ جائيں گے-

دعوتي شعور كے اِس فقدان كا ايك سنگين نتيجه يه هے كه موجوده زمانے كے مسلمان دوسري قوموں كو مدعو كے روپ ميں نه ديكھ سكے اور جب اِن قوموں كے كچھ افراد نے خود اپني تلاش كے ذريعے اسلام قبول كيا تو وه ان كو مزيد دعوتي كام كے ليے استعمال نه كرسكے- مثلاً محمد اسد كي ملاقات اسلام قبول كرنے كے بعد ڈاكٹر محمد اقبال (وفات1938)سے هوئي- اقبال خود مسلم رياست كا خواب ديكھتے تھے- چناں چه انھوںنے محمد اسد كو بھي مسلم رياست كے قيام كے بے نتيجه كام پر ڈال ديا- محمد اسد كے ليے صحيح مشوره يه تھا كه ان كو يه بتايا جائے كه وه يهوديوں اور عيسائيوں ميں اسلامي دعوت كا كام كريں، نه كه مسلم رياست كے قيام كے بے نتيجه كام ميں اپنا وقت ضائع كريں-

يهي واقعه مريم جميله كے ساتھ پيش آيا- اسلام قبول كرنے كے بعد وه 28 سال كي عمر ميں پاكستان آگئيں- يهاں ان كي ملاقات مولانا سيد ابو الاعلي مودودي (وفات1979)سے هوئي- مولانا مودودي، اسلام كي سياسي تعبير ميں يقين ركھتے تھے اور اِسي راستے پر انھوںنے مريم جميله كو بھي ڈال ديا- چناں چه دونوں ميں سے كوئي بھي مطلوب انداز ميں دعوت الي الله كا كام نه كرسكا، نه محمد اسد اور نه مريم جميله-